Tiranë, aksident pranë policisë, makina fluturon mbi Lanë, plagoset drejtuesja e Opel-it

Një automjet i markës Opel u aksidentua pak minuta më parë në afërsi të Drejtorisë së policisë së Tiranës.

Ngjarja konfirmohet për agjencinë “Lajmifundit” nga burime zyrtare të policisë rrugore të cilat thanë se efektiva të saj kanë mbërritur në vendin e ngjarjes për hetimin e aksidentit.

Sipas të dhënave të deritanishme, automjeti i cili ka qenë duke lëvizur me shpejtësi të lartë, ka kapërcyer nga njëra anë e lumit të Lanës në anën tjetër.

Për pasojë mësohet se ka pësuar lëndime drejtuesja e mjetit, një femër në moshën rreth 30 vjeçe.

Hetues të policisë në vendin e ngjarjes thanë se e dëmtuara është vendosur në ambulancë për tu nisur drejt spitalit për ndihmën e parë.

Ndërkohë specialistët po hetojnë shkaqet e aksidentit. (Lajmifundit)