Michael Schumacher, në gjendje të pavetëdijshme për gjithë jetën!

Frika se Michael Schumacher mund të mbetet “përgjithmonë në gjendje të pavetëdijshme” edhe nëse zgjohet nga koma, po rritet.
Legjenda e Formua 1 është nën kujdesin intensiv të mjekëve që pas aksidentit në Francë afërsisht katër javë më parë.
Ai u fut artificialisht në gjendje kome pas aksidentit në mënyrë që kjo ta ndihmonte për shërimin e trurit. Por kjo zgjat zakonisht maksimumi dy javë.
Një faqe informative austriake raporton se 45-vjeçari mund të vuajë nga sindroma “Apallic”, që do të thotë se mund të mbetet në gjendje të pavetëdijshme.
Por familja e tij insiston se ai është një “luftëtar” dhe shprehin falënderim për mbështetjen e fansave.