Burimet zyrtare thanë se Sherbimet e Komisariatit te Policisë Krujë arrijnë të kapin autorin e dyshuar të ngjarjes se ndodhur ne fshatin Borizane, e cila përfundoi me vdekjen e shtetasit Florind Kadiu.
Struktura e policisë, menjëherë pas ngjarjes së ndodhur kanë qenë të angazhuara në drejtim të kërkimeve në terren për kapjen e autorit.
Gjatë ditës së sotme, në sajë të informacioneve të mbledhura është bërë lokalizimi i këtij shtetasi, i cili për t’iu shmangur hetimit ishte fshehur në pyll (zona malore sipër fshatit Borizanë). Shtetasi Durim Xaka u arrestua në flagrancë për veprat penale të vrasjes me dashje dhe mbajtjes pa leje të armëve të ftohta.
Gjatë operacionit për kapjen e shtetasit Durim Xaka, ky i fundit nuk iu ka bërë rezistencë shërbimeve të Policisë. Në cilësinë e provës materiale 28-vjecarit iu gjet dhe sekuestrua arma e krimit, thikë, dhe gjatë kryerjes së veprimeve proceduriale ai pranoi autoresinë e veprës.
Nga veprimet hetimore e proceduriale të kryera rezulton se kjo ngjarje e cila përfundoi tragjikisht kishte motive tejet banale (grindje e çastit).
Materialet proceduriale iu përcollën për ndjekje Prokurorisë së Rrethit Durrës.
